By DUMISA MPUPHA
(The imbongi is of the view that to vote is the opportunity that was once not available to many citizens. He mentions a few registered parties in Makhanda. The imbongi is reminding people about voting day on 1 November.)
Nalo ke itshoba elingalali mbethe
Ndiyalijiwuzisa iminyaka le phakathi kwenu
Ndipheth’igqudu ndihlanganisa ngentla nangezantsi
Koko anindibonanga nakaloku nje
Yhini na madoda nazimfama sikhangele kuni?
Ndinibiza ngabom nje ndenza ngabom
Kuba sasikho mhla ngentlupheko
Mhla yalal’indwe phezu kwenye indwe
Kuvaliwe ilungelo lingekho
Kungu hikihiki! Hukuhuku!
Khongolose siyakuhlonipha
Poqo sisa kuhloniphile
Gxebe nani bandla likaBiko
Nawo onke amahlakani enkululeko
Njengoko niwazi nendingawabizanga ayaziwa
Waaaa! Makhanda sikujonge ngamehlo amakhulu!
Isaphila madoda iANC ingaqali kwaye isatsho
Ithi iphethe inkululeko leyo kwantlandlolo
Bayolatha kolatheke ke
Hambani madoda namankazana sinijongile
Nantso iEFF ulutsha lusathembile
Ithi izibambile iyaqinisa
Sisakhangele ke noko
Amathemba asiwalahlanga
Ifuthe silibonile mbombo zone
Siyijongile i-Mind eMakhanda sakhwankqa
Besiba ayisekho kanti umhlola asiwazanga
Yeza ne-DA ayiqheliseli tu kwaphela
Gqi qhaphu MCF sele ingasa qheliseli
Kodwa umbuzo umi umi ngelithi
Hazi iyozala nkomoni na?
Umhla wokuqala kweyeNkanga ubekiwe
Zenenjanjalo ukufaka iingadla neenqwebeba
Ningabuyi sele nisithi
Nye, nyek’ebhasi, ebukhweni bezinja
Anina zingqondo!!!
Tsi!
